За многія стагоддзі свайго існавання беларускі народ стварыў багатую і самабытную культуру, якая была ўвасоблена ў народным жыллі і бытавых рэчах, нацыянальным адзенні, узорных тканінах, разнастайных прамысловых вырабах, духоўных традыцыях, звычаях, абрадах. Сёння, калі ў выніку значных сацыяльна-эканамічных і тэхналагічных пераўтварэнняў змяніўся характар народнага побыту і народнай культуры, менавіта ў школьным этнаграфічным музеі ў падлеткаў і моладзі з’яўляецца магчымасць дакрануцца да вытокаў этнаграфічнай культуры нашых продкаў. Менавіта ў школьным этнаграфічным музеі дзеці ўпершыню пачынаюць асэнсоўваць сваё дачыненне да багатай і самабытнай культуры свайго народа, прыналежнасць да пэўнай этнічнай групы, і тады словы радзіма і патрыятызм напаўняюцца для іх новым сэнсам. Аб музеі
Спадчына – для нас усе яшчэ мерапрыемства. Для таго каб яна стала рэальным, а не ўмоўным фактарам культурнага жыцця і фактарам свядомасці, яна мусіць знаходзіцца не толькі там, але і тут, не толькі ў гарызантальным пласце сваей гістарычнай эпохі, але і ў вертыкалі пастаяннага дыялогу з наступнымі пакаленнямі.
А.Разанаў
УВАГА! Экскурсіі ажыццяўляюцца толькі па папярэднім запісе па тэлефоне: +375445861371
| Панядзелак: | 12:00-12:45 |
| Серада: | 14:00-14:45 |
| 1-я і 3-я субота: | 10:00-11:30 |